SommerNet

Pa het altyd gesê lag is die enigste manier om die lewe se oppe en affe te hanteer.

Soms word mens egter gekonfronteer met dinge totaal buite jou beheer, dinge wat die grond onder jou voete uitneem. ʼn Bitter moeilike jaar by die werk, siekte en dood ... Ek kon kies - sink of skryf, lag of huil.
Ouma se manewales en snaakse sêgoed, ʼn rondloperkat en ʼn eerste vliegtuigrit - die lewe saam met Ouma was nie een oomblik vervelig nie.

ʼn Onverwagse operasie en kamer deel met ʼn vreemde vrou met 'black toes', vreemde mense langes die viswater en ʼn troetelhoender, word stories wat eendag op die ouetehuis se stoep vertel sal word.
Ben troef ʼn boelie en Danie verdedig sy Janie teen ʼn spinnekopwyfie wat haar naels in hom probeer slaan terwyl Jana die verlede kan agterlaat en ʼn nuwe lewe begin op Tweede Asem.

Tog skemer die seer deur, die lewe is hoeka nie net in humor gebaai nie. Daardie seermaakdinge moet in die oë gekyk en by die naam genoem word om hulle sodoende tot rus te kan lê.

Met ʼn soetseer bydrae deur Theo Wassenaar in herinnering aan ons kleinboet, Johan.